Home / Njoftime dhe Evente / Aktivitet në Spitalin Pediatrik | Tiranë

Aktivitet në Spitalin Pediatrik | Tiranë

Sot në datë 29.05.2019 , në kuadër të projektit “Të fuqizojmë të rinjtë nëpërmjet Mobilitetit dhe Kartës Rinore Evropiane“, u zhvillua aktiviteti me temë “Vizitë në  Spitalin Pediatrik“.

Rreth 15 nxënës të shkollave të mesme të përfshira në këtë projekt, së bashku me stafin e Qendrës Youth Act , vizituan për pak kohë fëmijët e shtruar në pavionin e përgjithshëm të Spitalit Pediatrik.

Qëllimi i këtij aktiviteti ishte të lumturonim fëmijët e vegjël për disa minuta duke i dhuruar lodrat të dedikuara për ta, si dhe ndërgjegjësimi i të rinjve për t’u bërë pjesë e aktiviteteve të ndryshme vullnetare.

Ky projekt është financuar nga Bashkimi Europian dhe mbështetur nga Partners Albania for Change and Development në kuadër të projektit “Youth Bank Hub for Western Ballkan and Turkey”. Qëllimi i këtij projekti është ndërgjegjësimi i të rinjve mbi aktivitetet vullnetare si dhe rritje kapacitetesh nëpërmjet trajnimeve të ndryshme.