Home / Ajo që dua… Oscars’ edition

Ajo që dua… Oscars’ edition

Nga Sophia Vergara e Heidi Klum te Sylvester Stallone, të gjithë njerëzit e momentit mblodhi Teatri Dolby, në ceremoninë e 88-të të ndarjes së çmimeve Academy. Fituesit gëzuan, humbësit u inkurajuan, kurse mua nuk më mbeti gjë tjetër veçse të ëndërroj…

Do të doja të xixëlloja si Margot Robbie në të florinjtë.
Do të doja të nusëroja si Olivia Wilde në të bardhë.
Të shkëlqeja në look-un natyral si Jennifer Lawrence, Cate Blanchett e me radhë.
Të skuqja buzët si Reese Witherspoon duke dalë mbi « rregullin ».
Do të doja të risillja me sukses të vjetrën si Rachel McAdams “Angelina’s right leg” të Oscar-ve 2012.
Të më mbante xhepi fustanin $60000 të Saoirse Ronan dhe varësen me diamantë të Charlize Theron. ($3.7 milionë)
Të isha si Theron…Të tërhiqja vëmendjen edhe si Furiosa në filmin fitues.

Do të doja të ndriçoja pozitivitet si Jennifer Garner edhe pas ndarjes së dhimbshme.
Do të doja të isha zëri i Lumturisë si Amy Poehler në “Inside Out”. E lumtur si Kate Winslet kur miku më i mirë merr në duar çmimin e shumëdëshiruar.

Do të doja ta doja profesionin tim si Di Caprio, por pa mu dashur të shijoj mëlçinë e gjalllë të buallit si ai.
Mbi të gjitha të doja dashurinë. Për të të hiqja dorë nga gjithçka si Sam Smith në soundtrack-un e “Spectre”. (“Writing’s on the ëall”)

Si ky i fundit të mbroja një kauzë të rëndësishme, të drejtat njerëzore të minoritetit LGBT.
Të mbroja mjedisin e Leonardos dhe viktimat e abuzimeve seksuale si Lady Gaga, sepse si edhe ajo tha përmes këngës: “Till it happens to you, you won’t know.”

Do të doja të kisha famën e fëmijës së Emily Blunt, pjesëmarrëse në ceremoni përmes barkut të kërcyer.
Apo si e bija e Chris Rock të bëja krenar grupin e skauteve duke u shitur biskota milionerëve të Hollywood-it.

Dhe ç’është më e rëndësishmja, do të doja të krenoja vendin tim, jo si “Son of Saul”(filmi më i mirë i huaj), por si “Shok” që mbajti zgjuar e ngriti në këmbë shqiptarët në Shqipëri, Kosovë e në gjithë botën.

 

Nga Uendi Kodheli