Home / Njoftime dhe Evente / Konkurs për Artikullin më të mirë

Konkurs për Artikullin më të mirë

konkurs obrazek

 

Kemi kënaqësinë t’ju njoftojmë për  konkursin zhvilluar në kuadër të rubrikës më të re të EuroSpeakDritare për të Rinjtë dedikuar posaçërisht angazhimit të të rinjve: hulumtues dhe gazetarë të rinj, studentë dhe të rinj të interesuar për të shkruar mbi mbarëvajtjen e procesit të Integrimit Europian dhe BE-së si Union. Duke e vlerësuar vitin 2016 një vit të suksesshëm dhe frutdhënës për projektet dhe aktivitet e organizatës, sidomos në kuadër të bashkëpunimit dhe angazhimit të të rinjve dhe rritjes e fuqizimit  të Rrjetit të Mbështetësve, EMA shpall Konkursin e Artikujve, ku  artikujt më të mirë do të shpërblehen me çmime.

 

Qëllimi i këtij konkursi është rritja e interesimit të të rinjve për procesin europian të Shqipërisë dhe ngjarjeve më të fundit në Europë, duke zhvilluar mendimin kritik dhe duke shprehur këndvështrimin e tyre ndaj këtyre proceseve. Cilat janë mendimet e të rinjve shqiptarë për këto zhvillime si dhe pritshmëritë e tyre ndaj progresit që Shqipëria apo Rajoni i Ballkanit po realizon drejt anëtarësimit të familjes europiane? Po roli i të rinjve cili është dhe cilat janë sfidat që ata hasin?

 

Më poshtë gjeni tematikat  orientuese për punimet dhe artikujt që mund të realizohen:

 

Zhvillimet e fundit brenda Shqipërisë

Progresi i shtetit shqiptar në realizimin e pesë prioriteteve:

1-Krijimi i një administrate profesioniste dhe të depolitizuar

2-Forcimi i pavarësisë të institucioneve të drejtësisë

3-Lufta kundër korrupsionit

4-Lufta kundër krimit të organizuar

5-Mbrojtja e të drejtave të njeriut

Fokusi te rajoni i Ballkanit Perëndimor

-Sfidat e vendeve të Ballkanit Perëndimor dhe si pasqyrohen ato në perspektivën europiane në kuadër të procesit të Berlinit

-Roli i Shqipërisë në rajon, parimi i fqinjësisë së mirë dhe marrëdhëniet strategjike mes shteteve të Ballkanit Perëndimor

 

Përfshirja e të rinjve shqiptarë në procesin e Integrimit Europian

 

Afati i fundit i aplikimit është data 16 dhjetor.

 

 

******

Kriteret për punimin e artikullit janë si vijon:

  • Numri i fjalëve duhet të përfshijë nga 500 në 1500 fjalë;
  • Artikulli nuk duhet të jetë një studim apo kërkim i tillë si punim kursi, disertacion etj.;
  • Gjuha e përdorur duhet të jetë shqipja standarde;
  • Duhet citohen referencat e artikullit;
  • Artikulli duhet të jetë në formatin Word me emërtimin: “Emër Mbiemër-Titulli i Artikullit” dhe duhet të dërgohet në adresën e emailit: info@em-al.org me subjektin: “Konkursi për Artikullin Dhjetor 2016”.