Home / Bursa / Hapet Thirrja për Bursa për Studentët në Kuadër të Programit Erasmus+ në Universitetin Eberswalde, Gjermani

Hapet Thirrja për Bursa për Studentët në Kuadër të Programit Erasmus+ në Universitetin Eberswalde, Gjermani

2011_Pfeil-Auditorium_Stephanie-Neumann

Në kuadër të programit Erasmus+ është hapur thirrja për aplikime për bursa për mobilitete për studentët e Universitetit të Tiranës në Universitetin Eberswalde në Gjermani.
Llojet e mobilitetit përfshijnë:
– Shkëmbimin e studentëve për studime;
Nivelet e mobilitetit për studentët:
– Bachelor;
– Master;
Kohëzagjatja e bursave:

– Bachelor (6 muaj);
-Master (6 muaj);

Fushat e studimit për nivelin Bachelor:
– International Forest Ecosystem Management (zhvillohet pjesërisht në gjuhën angleze, studenti do të duhet të zgjedh nga modulet e ndryshme të të gjithë programit të studimit)

Fushat e studimit për nivelin Master:
– Manaxhimi i Ndryshimeve Globale;
– Teknologjia e Informacionit të Pyjeve;
– Manaxhim i Qëndrueshëm i Turizmit (zhvillohet pjesërisht në gjuhën angleze);
Kini kujdes pasi Fushat e studimit të mësipërme mund të mos ofrohen të gjitha në gjuhën angleze por mund të ofrohen dhe pjesërisht në gjuhën gjermane.

Për t’u njohur me katalogun e programeve të studimit të ofruara nga Universiteti Eberswalde, ku është e përcaktuar edhe gjuha e programit përkatës, klikoni në adresën:
http://www.hnee.de/…/Study-at-the-University-of-Applied-Sci…

Bursat përfshijnë:
– Kompensimin mujor (800 EUR në muaj për studentët);
– Kompensimin ditor (120 EUR në ditë për stafin);
– Kostot e udhëtimit (në varësi të distancës midis universitetit pritës dhe atij të origjinës)

Për të përcaktuar distancën ju lutem referohuni:
http://ec.europa.eu/program…/erasmus-plus/…/distance_en.html
Studentët që përfitojnë nga mobiliteti Erasmus+ nuk do të paguajnë asnjë tarifë për shkollim në universitetin pritës. Studentët do të vazhdojnë të paguajnë shkollimin e tyre dhe/ose tarifat e regjistrimit në universitetin e tyre të origjinës.

Dokumentat e nevojshme për aplikim për studentët e nivelit Bachelor:
-CV (në gjuhën angleze);
-Foto personale;
-Kopje e Pasaportës;
-Vërtetim studenti;
-Letër Motivimi;
-Certifikatë e gjuhës së huaj (Anglisht) (në qoftë se do të përzgjidhen lëndë në gjuhën gjermane duhet të dorëzoni certificatë e gjuhës gjermane);
-*Learning Agreement;
-Listë notash
Dokumentat e nevojshme për aplikim për studentët e nivelit Master:

-CV (në gjuhën angleze);
-Foto personale;
-Kopje e Pasaportës;
-Vërtetim studenti;
-Listë notash e nivelit Bachelor (e përkthyer në mënyrë zyrtare në gjuhën angleze);
-Diplomë e nivelit Bachelor;
-Listë notash e nivelit Master (e përkthyer në mënyrë zyrtare në gjuhën angleze);
-Letër Motivimi;
-Certifikatë e gjuhës së huaj (Anglisht) (në qoftë se do të përzgjidhen lëndë në gjuhën gjermane duhet të dorëzoni certificatë e gjuhës gjermane);
-*Learning Agreement;

*Learning Agreement është një kontratë midis universitetit të origjinës dhe aplikantit dhe shërben për të përcaktuar lëndët që do të zhvilloni në universitetin pritës. Ju duhet të plotësoni vetëm seksionin e parë ‘‘Before the mobility. Në tabelën A përcaktohen lëndët dhe kreditet që do të merrni në universitetin pritës, në tabelën B përcaktohet se cilat prej lëndëve të Tabelës A do të njihen në Universitetin e Tiranës kur ju të keni përfunduar periudhën e shkëmbimit.
KUJDES: Ju duhet të përzgjidhni të kryeni në Universitetin Eberswalde lëndë të njëjta me ato që do të kryenit në semestrin e parë në fakultetin tuaj, kjo në mënyrë që lëndët dhe kreditet t’ju njihen kur të ktheheni. Nëse lëndët e përzgjedhura ndryshojnë nga ata që do të zhvillonit në fakultetin tuaj semestrin e parë, atëherë kur të ktheheni duhet të zhvilloni lëndët që nuk përshtaten në Universitetin e Tiranës.

Dokumenti ‘‘Learning Agreement’’ tek seksioni ‘‘Commitment’’ firmoset nga aplikanti, nga koordinatori akademik në nivel fakulteti (dekan, zv.dekan, ose shef departamenti) dhe në Rektorat nga Koordinatori Institucional i Erasmus + z.Elton Skendaj.
Për të shkarkuar formatin e Learning Agreement klikoni në adresën: http://www.unitir.edu.al/imag…/Bursat/Learning_Agreement.pdf
Afati për aplikim: 24 Korrik 2016
Për të aplikuar klikoni në këtë link: https://form.jotformeu.com/61464191202346
I gjithë procesi i aplikimit kryhet online.
Për më shumë informacion mbi bursat mund të na kontaktoni në Zyrën për Marrëdhëniet me Jashtë në adresën iro@unitir.edu.al
Universiteti i Tiranës ju uron suksese në aplikimin tuaj!

ME SHUME