10 vendet e botës ku mund të nisni një jetë të re, mes tyre edhe një qytet shqiptar.

 

Mendoni vazhdimisht të zhvendoseni në një vend ku jeta është më e mirë por nuk keni guxim?! Janë disa vende nëpër botë ku nuk është e vështirë të përshtatesh me klimën dhe ku mund të ndiheni mirë. Nuk është fjala për qytete të mëdha por për disa cepa të botës me natyrë të bukur dhe, siç thuhet, me mundësi të mira jetese. Meqenëse Ksamili është një nga propozimet, nuk dimë sa duhet t’i besojmë por ne shqiptarët ndoshta duhet të marrin në konsideratë alternativat e tjera. A jeni gati të bëni gati valixhet për të zbuluar tokën?! Ja ku mund të shkoni…

1. Avarua, Zelandë e Re
Ka plazhe tropikale jo më pak të bukura se Maldivet apo Seychelles por në ndryshim nga to mund të gjeni apartamente vetëm për 130 dollarë në muaj.

2. Cesky Krumlov, Çeki
I gjithë vendi është si një kështjellë e madhe e Mesjetës. Darkat në çift shkojnë vetëm 20 dollarë dhe mund të gjeni një apartament për 400 dollarë në muaj. E vetmja vështirësi në përshtatje është gjuha çeke!

3. Koh Thonsay, Kamboxhia
Është një parajsë e vërtetë ku nuk jeton askush veç ca familje peshkatarësh pra është  lehtësisht e mundur të gjesh akomodim për një shumë qesharake parash. Për 5 dollarë peshkatarët do gatuajnë për ju ushqim të shkëlqyer!

 

 

4. Guanajuato, Meksikë
I vendosur në zemër të Meksikës, në Guanajuato keni mundësi të merrni një apartament për 150-200 dollarë në muaj. Një pije kushton vetëm 1 dollarë ndërsa bileta e kinemasë 3 dollarë.

5. Pearl Islands, Panama
Tashmë ky vend është bërë një parajsë e vërtetë resortesh që shfrytëzohen vetëm nga popullsia lokale. Mund të merrni me qera një shtëpi të madhe për 300 dollarë në muaj. Pearl Islands janë ideale për të gjithë ata që duan të ‘zhduken’ nga bota.

6. Goa, Indi
Një shishe verë, në këtë vend, kushton vetëm 50 cent ndërsa për të prerë flokët duhet të paguani 60 cent. Qeraja mujore e një apartamenti është 120 dollarë në muaj. Çfarë iu duhet tjetër?! Është një nga vendet më të mirë për të praktikuar yogën.

 

 

7. Veliko Tarnovo, Bullgari
Është një vend po aq i bukur sa Franca vetëm se me çmime shumë të lira. Qeraja e një apartamenti është 200 dollarë në muaj ndërsa një shishe verë kushton 80 cent.

8. Ho Coc, Vietnam
Është një pyll tropikal prej 11.000 hektarësh. Turistët janë të pakët dhe mund të gjeni një vend për të jetuar me 150 dollarë në muaj.

9. Ksamil, Shqipëri
Është vendi ideal për ata që kërkojnë një jetë të qetë. Mund të gjeni vaj ulliri shumë të mirë dhe 30 lloje të ndryshme peshqish. Është shumë më lirë se komshinjtë e tyre grek e kroatë. Një pije do t’iu kushtojë 90 cent ndërsa një vakt 6 dollarë. Qeraja mujore e një apartamenti shkon 120 dollarë në muaj.

 

 

10. Trancas, Kili
Në Las Trancas do të gjeni një nga pamjet më të bukura të maleve. Mund të bëni ski gjatë gjithë vitit dhe të paguani qeranë e banesës për 300 dollarë.

Revista Living ( http://www.living.al/) / Marrë me shkurtime nga Brightside ( https://brightside.me/ )