Home / Kuriozitete / 10 Kuriozitete mbi gënjeshtrën

10 Kuriozitete mbi gënjeshtrën

_sp-pinokio-karlo-kolodi

  1. Njerëzit thonë gënjeshtrën e tyre të parë në moshën 2-vjeçare. Të mësosh si të gënjesh është një nga ngjarjet kryesore në jetë, njëlloj si hedhja e hapave të parë.
  2. Gënjështra të bën më inteligjent. Shkencëtarët thonë se gënjeshtarët kanë lëndë trunore më të fortë në koren paraballore. Kjo, sepse ata janë të aftë të lidhin mendime dhe ide që nuk janë realisht të lidhura mes tyre.
  3. Serumi i së vërtetës nuk funksionon në të vërtetë. Ndryshe nga sa kemi parë në filma, substanca kimike “pentotal natriumi” nuk eliminon aftësinë për të gënjyer, por vetëm filtrat mendor dhe në këtë mënyrë i bën njerëzit të flasin shumë. Megjithatë, vetëm një pjesë e atyre që thuhen janë të vërteta dhe pjesa tjetër fantazi.
  4. Ekzistojnë tri gënjeshtra që njerëzit janë të gatshëm t’i pranojnë në rrjetet e njohjeve online: 1) Ekzagjerime të vogla që syri njerëzor nuk është i aftë t’i perceptojë (centimetrat në gjatësi apo gramët në peshë); 2) Gjëra që mund të fshihen (të thuash se nuk pi duhan, por të jesh duhanpirës, me mundësinë që ta lësh duhanin në të ardhmen); 3) Gjëra të idealizuara që mund të realizohen (një hobi i ri).
    Njerëzit që gënjejnë në këto rrjete kanë disa karakteristika të veçanta në profil: 1) Nuk i përdorin shumë përemrat “Unë” ose “Mua”, për t’u larguar nga gënjeshtra; 2) Përdorin mohimin, si “jo i trishtuar” në vend të “i lumtur”; 3) Shkruajnë përshkrime më të shkurtra të vetvetes me detaje të pakta; 4) Nëse kanë foto, nuk e përshkruajnë paraqitjen.
  5. Momenti më i famshëm i ndershmërisë në histori është një gënjeshtër. Dihet prej të gjithëve historia e presidentit amerikan George Ëashington, që në moshë të vogël preu pemën e të atit dhe i tha: “Nuk mund të të gënjej. Pemën e preva unë.” Fjalët e Ëashington në të vërtetë janë krijuar nga një shkrimtar/pastor/tregtar librash, i quajtur Mason Ëeems.
  6. Njerëzit thonë më tepër gënjeshtra në Janar se në gjithë muajt e tjerë. Një njeri thotë mesatarisht 217 gënjeshtra në muajin Janar (rreth 7 në ditë). Zakonisht ato lidhen me si i kaluan pushimet dimërore, dhuratat që morën dhe dhanë për festat, ushqimin që hëngrën dhe ndoshta me sa të lumtur janë që po shohin sërish kolegët.
  7. Thuhen 3 herë më shumë gënjeshtra në një bisedë me mesazhe sesa në komunikim të drejtpërdrejtë dhe rreth 5 herë më tepër përmes emailit.
  8. Njerëzit shpesh gënjejnë për filmat që kanë parë dhe filmi për të cilin gënjehet më tepër është “Kumbari” (“The Godfather”)—30% e njerëzve pretendojnë se e kanë parë, por realisht nuk e kanë bërë.
  9. Është më e lehtë të besohet një njeri me mjekër. Njerëzit nuk mendojnë se njerëzit që mbajnë mjekër janë gënjeshtarë.
  10. Makinat e së vërtetës nuk janë të sakta. Ato masin ankthin, por nuk mund të kuptojnë gënjeshtrën. Megjithatë “për të mundur” makinën e së vërtetës, njeriu duhet të sjellë në mend vazhdimisht mendime të frikshme, pra të friksojë vetveten.